ငွေလဲလှယ်နှုန်းများ မြင့်တက်လာ
Recent News


အမေရိကန်ဒေါ်လာနှင့် မြန်မာကျပ်ငွေ လဲလှယ်နှုန်းများသည် ပြီးခဲ့သည့် ရက်ပိုင်းမှစပြီးပြန်လည်မြင့်တက်လာခဲ့ကြောင်းသိရသည်။

ပြီးခဲ့သည့် ဇန်နဝါရီလလယ်ပိုင်းက စတင်၍ အမေရိကန် တစ်ဒေါ်လာလျှင် ၁၃၂၂ ကျပ် ဝန်းကျင်အထိ ကျဆင်းခဲ့ရာမှ ဇန်နဝါရီ၊ ဖေဖော်ဝါရီ၊ မတ်နှင့် ဧပြီလ အတွင်းတွင် တစ်ဒေါ်လာ လျှင်ငွေလဲနှုန်းအများစုမှာ ၁၃၂၇ကျပ် ဝန်းကျင်ဖြစ်ခဲ့ပြီး အများဆုံး၁၃၃၁ ကျပ်သာရှိခဲ့သည်။ မေလအတွင်း တစ်ဒေါ်လာလျှင် ငွေကျပ်၁၃၄၀ ကျော်အထိ ပြန်လည်မြင့်တက်လာခဲ့ပြီး ဇွန်လလယ်တွင်ငွေကျပ် ၁၃၅၀ ကျော်အထိမြင့်တက်လာကာ ဇွန် ၁၆ ရက်တွင် တစ်ဒေါ်လာလျှင် ၁၃၆၅ ကျပ်အထိ မြင့်တက်လာခဲ့သည်။

လက်တလော နိုင်ငံတကာငွေလဲလှယ်နှုန်းများ မြင့်တက်လာခြင်းသည် ကမ္ဘာ့နိုင်ငံရေး အခြေအနေကြောင့်ဖြစ်နိုင်ပြီး လက်ရှိပြည်တွင်း၌နယ်စပ်ကုန်သွယ်ရေးတွင် သိသိသာသာမြင့်တက်လာခြင်း မရှိဘဲ ဈေးကွက်အတွင်း ဒေါ်လာဝယ်လိုအားမှာလည်းေ လျာ့နည်းလာသဖြင့် ယခုကဲ့သို့ ဈေးနှုန်းများ မြင့်တက်ခြင်းသည် ပြည်တွင်းဈေးကွက်ကြောင့် မဖြစ်နိုင်ကြောင်းကမ္ဘောဇဘဏ် အကြီးတန်းအကြံပေး ဦးသန်းလွင်ကပြောသည်။

Myanmar Processer and Exporter Association ဒုတိယဥက္ကဋ္ဌ ဒေါ်တိုးနန္ဒာတင်ကလည်း "လက်ရှိမှာ ဒေါ်လာဈေးတွေတက်နေတော့ ပိုက်ဆံပိုရ တယ်ဆိုပေမယ့် ဒီဘက်က ပြန်ဝယ်ရတဲ့ပစ္စည်းတွေလည်းပြတ်တော့ ဘဲစားဘဲကျေသဘောပါပဲ။ ဈေးဆိုတာကတော့ ငြိမ်နေရင်အကောင်းဆုံးပဲ။ Import များပြီး Export နည်းရင်တော့ ဈေးကတက်သွားမှာပဲ။ အဲဒီတော့ Export များများထုတ်ဖို့ အရေးကြီးပါတယ်"ဟု ပြောသည်။

၂၀၁၇ ခုနှစ် တစ်နှစ်ပတ်လုံး ဒေါ်လာလဲလှယ်နှုန်းများသည် ယခင်နှစ်များကထက် အတက်ဘက်တွင်ရှိခဲ့ပြီးအမြင့်ဆုံးတစ်ဒေါ်လာလျှင် ၁၃၈၀ ကျပ် ဝန်းကျင်အထိအများဆုံးမြင့်တက်ခဲ့ဖူးသည်။

နိုင်ငံတကာတွင် ဒေါ်လာလဲလှယ်နှုန်းများ ကျဆင်းရခြင်းသည် Inflation rate, interest rate, terms of trades, Country’s current account and dificits, political stability and economic performance စသည့်အကြောင်းအရင်းများကြောင့်ဖြစ်ကြောင်း သိရသည်။

ကြေးမုံသတင်းစာ (21-6-2018)